|
唔想咁樣 - 曲、詞: Thomas Li
你話，唔想咁樣但係又可以点樣？ X4
星期一嘅朝頭早，個人係起咗身但係個心唔响度。雙眼無神、目中無人、諗過乜嘢做過乜嘢都好似一舊雲。
擘大眼係度遊魂、靠咖啡嚟提神、冇胃口冇精神、諗親嘢就頭暈。每一日都係精神嘅鬥爭，咁樣落去就真係要睇精神科醫生。
你話，唔想咁樣但係又可以点樣？ X4
廿一世紀資訊發達唔出奇，每人一部手機，自言自語冇人理。一家四口上茶樓每人一本雜誌係手，冇話題又冇胃口，求求其其食完就走。
番到屋企，最緊要係部電視機，追緊劇集死人塌樓都唔會理。屋企嘅話題，講人是非冇所為，自己嘅心事最好留番係心底。
你話，唔想咁樣但係又可以点樣？ X4
人在江湖身不由己，究竟有乜嘢阻止緊我哋去揾番自己、去發現自己、去釋放自己？点解人哋話好就一定要去做，点解賺到錢就一定係有前途，点解堅持理想，都會畀人話老土？
点解？点解？人生，會有咁多問号？点解？点解？人生，會有咁多問号？
你話，唔想咁樣但係又可以点樣？ X4
移民心情 - 曲、詞: Thomas Li
我哋係澳洲雪梨嘅香港幫，嚟咗澳洲忙耐年年都番香港。鐘意着黑衫，揸寶馬至啱，講嘢大大聲，D鬼佬聽到驚。
父母怕九七同我哋攪移民，点知過到嚟佢哋又番去打滾。屋企冇人理日日唔番屋企，淨係識浦唐人街同卡拉OK。
移民澳洲究竟有乜嘢好？我話有籃天碧海又有樹熊抱。放假冇嘢做可以上高速公路，肚餓可以落Double
Bay食雪糕。
讀書梗係揀新南威爾斯，嗰度D唐人仲多過City
Poly。揀科唔係engine就係commerce想讀medi要考好DHSC！
移民澳洲嘅香港人文化衝突搞到頭都暈。英文唔夠哋好，Grammar錯到離晒大譜，中文仲係留番係小學程度。
日日唔係煲帶就係ICQ，屋企D八卦雜誌多到冇人要。你問我對澳洲知幾多，社會問題有冇諗過，我話知你GST係乜架科！
坐移民監為咗塭後路，揾到之後至發現代價高。父母逼住做太空人香港澳洲兩頭'tun'，家庭關係做咗犧牲品。
仔女長大成人，攪唔清自己身份，一心想做ABC又怕畀人歧視。回頭又唔想再重新開始，移民嘅心情，有苦自己知！
惟有你 - 曲、詞: Thomas Li
你是我力量，我寂寞的良朋。你是我渴望，困惑裡的方向。你在我上面，叫萬事都諧和，你在我面醞釀我去改變。
朝早起身懵查查，記得洗面唔記得刷牙。頭痛又喉沙，飲完咖啡再飲奶茶。趕住出門口，追巴士急急腳走。香番到公司冇得抖，朝九晚九，做到隻狗！
咁樣嘅生活有乜自由？咁樣嘅生活有乜成就？你話，最緊要飽一家四口。有錢剩，盡情去fing，唔好影響心情。做人最好唔好咁清醒。
報紙雜誌有打仗聲，經濟政治唔穩定。你話，做人究竟有乜嘢可以係有保証？不安嘅心情，唔到你唔認，夜闌人靜，問有誰共鳴？
理智定信心？点樣去畫分？点樣先至係真理？要去放低自己，定係去選擇逃避？時間，係唔會停低等你。
做個重生嘅基督徒，好似孤兒揾番父母。內心被改造，行事為人就靠耶穌。孝敬父母，自己嘅本份盡力做，讀經祈禱、細胞小組、崇拜就唔好遲到。
信心嘅生活，有起有跌，經得起錯折，生活要聖潔，用愛心作為我哋嘅分別。用愛心作為我哋嘅分別！
|
 |
生命有幾次 - 曲、詞: Thomas Li
* 生命可以有幾次 讓我兩手編出我的故事
生命可以有幾次 讓我以心開始去找意義
我信生命有價值 唔係弱肉強食 絕對冇翻版同次貨
上帝唔會搞錯
你活得係世界上就有你獨特嘅專長 唔好將自己睇低
隨便將光陰浪費
我信毅力定成敗 冇任何人任何事能夠踩過界
將來唔係整定 而係一個邀請
唔使吓吓都要靠風水命理問究竟
我信失敗只不過係平常事 為成功而失敗
總好過試都唔試
唔好俾人睇死 亦唔好自暴自棄 跌過痛過學精咗
爬翻起身又再嚟過
我盼望人間有愛 父母會接納我哋相信我哋
就算係考第尾 都唔會冇面返屋企
唔使流浪街頭群三群四放棄自己
我信人可以選擇 亦可以計劃 唔係一隻填鴨
偶像話乜你都落搭
又要對自己負責 堅持自己嘅選擇 努力再努力
就唔會將生命糟蹋
我信錢唔係萬能 唔係我嘅主人 唔值得瞓哂身
失去自尊兼俾人搵笨
享樂還享樂 有福同享就最快樂 人生有高有低
冇錢唔使閉翳
我信人要有原則 亦要有道德 人哋話乜你就乜
做騎牆派不如運吉
唔肯面對現實 成日靠運氣嚟過骨 無立場又無原則
做人點可以咁縮骨
我信專心一事 竭盡所能再加一點 就係天下至堅
世上無難事 只怕有心人 努力確定目標向前
唔好幻想一步登天
我信要更上一層 人人為我我為人人
造福社會係我嘅責任
唔係吓吓淨係識得為自己諗 咁樣先至叫做有深度嘅人生
我信有心靈嘅聲音 萬物主宰要與你同行
一同創造美好人生
要去學識安靜等候 勇於回應向前跨步要有信心
信望愛 - 曲、詞: Thomas Li
I'm just an ordinary girl, trapped in this ordinary world. How do I live with my regrets, do I believe there's hope ahead?
現今常存有信望愛，現今常存有信望愛。
信心，未發生就已經當係真，未見到，都好似已經得到係手度。呢個世界真係怪，人人都講愛情，人人都講和平，但係偏偏冇人有耐性。
冇人願意去信，冇人值得你信。畀人踩親條尾就話要發律師信。D古靈精怪嘢就信，唔夠刺激唔夠精彩，淨係講道理係冇人會啋！
盼望，要專心唔好兩頭望。無論係乜嘢境都唔洗心慌慌。成日話明天會更好，但係又唔見有進步。点樣先至可以有樂觀嘅態度？科技進步，係咪就乜嘢都解决到？聽D政治領袖講嘢，信七成已經好好。
其實真正嘅盼望呢個世界係搵唔到，係在於道成肉身死而復活嘅主耶穌！
愛心，發自內心願意為對方犧牲。唔在乎感覺，在乎意志加上承諾。好多人費盡心神，要找完美嘅愛人，開開心心結婚，嗌兩次交就離婚。
天下有情人有冇可能到永恆？有冇可能永遠都相敬如賓？撫心自問，內心每一條疤痕，能夠滿足你心，冇任何人只有神！
有信望愛，人生就會变得精彩。面對失敗，我會用信心去承載。人生冇完美，痛苦我係唔會逃避。我嘅盼望，係唔會畀現實縛死。要去愛別人，要先識得去愛惜自己，要先被愛充滿，先至識得關心人哋。
現今常存有信望愛，其中最大就係愛。
|
